 |
| Wan Adinarta Syaputra (SUPM Ank 14) |
Jo kok diindang di paberai, dietong dikaji-kaji raso lancang ambo
katangah , sabab baalah dek baitu panghulu banyak nan batuah tuangku banyak nan
kiramaik, dubalang banyak nan sati. Rumik barundiang jo nan pandai, bak makan
dakek mintuo. Tapi walaupun nan bak kian , saguruah-guruah hari nan kapa di
lauik juo, sa rusuah-rusuah hati nan bana disabuik juo. Mako dijambaukanlah
sapanjang tangan di juluak sapanjang galah, disabuik sado nan dapek. Alang jo
kekek bari makan barilah makan kaduonyo, sangka tagantuang-gantuang juo.
Panjang jo singkek diulehkan, kok tak sampai apo ka dayo. Tenggang dek kawan
nan mambaco
Dek ribuik rabahlah padi.Dicupak nak urang canduang.Hiduik kalau
indak babudi.Duduak tagak kumari tangguang
Talangkang carano kaco.badarai kandi carano .Bareh nan samo
talatak.Baganggang karano dek raso.Bacarai karano dek lupo.utang baju nan
SAPATAGAK
Nan merah iyolah
sago.Nan kuriak iyolah kundi.Nan indah iyolah baso.Nan baiak iyolah budi
Tak kaik tupang manganai,Tak siriah pinang mamalan,Tak tajak
tajuak tajarang,Tak pasin tangguang tibo, Tak laju dandang di aia, Di
gurun ditajakkan juo, Umpamo mancakau buruang, Kok lari ka ateh
kayu, Di tembak jo damak, Kok lari ka aia diserakkan jalo, Kok
lari ka dalam tanah,Di,kalijo Tambilang, Kok ka awang-awang ,Dipasuang
jo asok, Lamo lambek jatuah juo kasudahannyo
